تسريب لخيرت الشاطر يهدد بتفجيرات وإدخال القاعدة لمصر

كشفت الحلقة العاشرة من مسلسل "الاختيار 3"، عن خفايا فترة حكم الإخوان في تسريب موثق بالصوت والصورة، للقيادي الإخواني خيرت الشاطر يهدد فيه بعمليات تفجيرية وإدخال القاعدة لمصر ودور المرشح الرئاسي السابق حازم صلاح أبو إسماعيل في ذلك.

قال الشاطر في التسريب "المجموعات الرئيسية اللي كانت بتدعم حازم – يقصد حازم أبو إسماعيل - هو فيه مئات الألوف على مستوى الجمهورية في المحافظات، يعني في مطروح في كفر الشيخ في دمياط السلفية الشعبية بتتبناه، وجزء من سلفيي القنوات الفضائية، هم دول مش منظمين يعني مش جسم يقدر يجمع ويعمل شغل كبير، إنما فيه مجموعات خطر".

وأوضح:" في مجموعة عبد المجيد الشاذلي أو مجموعات القطبيين أو السلفية الجهادية دول خطر حقيقي، حتى لو قليلين في العدد، لأن دول بشكل أو بآخر يتبنون فكرة العنف، وهم عندهم نظرية موجودة بتقول إننا نقفز على الحكم والسلطة، وده تعديل في استراتيجياتهم السابقة، يعني إن هو يبقى جزء من الإصلاح من فوق من وجهة نظرهم بشكل أو بآخر".

وتابع: "عبد المجيد وجه نداءً يعني الشهر اللي فات لبعض مجموعات القاعدة والناس بتاع العنف اللي بره إنهم ينزلوا مصر، والمعلومات اللي عندنا إن نزل شوية بس مش شوية كتير، يعني ممكن 30 - 40 شخصا في ظل الهيصة الموجودة في البلد والأمور مش محكومة زي الأول على مستوى أمن الدولة والأجهزة المختلفة، وممكن يبقى في تفكير في إحداث عملية تفجيرات حتى لو محدودة يعني، أو أعمال عنف محدودة، فلو ده توافق مع سكون عند الإخوان كمان تبقى كارثة".

https://youtu.be/ot2Y4BdYm4M